پرینیتی چوپڑا منیش شرما کے عشق میں گرفتار

انگلینڈ سے فنانس میں تعلیم حاصل کرنے والی اداکارہ کو باامر مجبوری شوبز میں آنا پڑا، نئی فلم میں رنویر سنگھ اور علی ظفر کے ساتھ کاسٹ۔ فوٹو: فائل

---

بالی وڈ گرل پرینیتی چوپڑا بھی عشق میں مبتلا ہوگئیں۔

شوبز کی چمکتی دنیا میں مختلف اداکاروں کے اسکینڈل اور ایک دوسرے کے عشق میں مبتلا ہونے کی افواہیں گردش کرتی رہتی ہیں اور اب ایک اور افواہ بھی بالی وڈ میں گردش کررہی ہے کہ فلم لیڈیز ورسز ریکی بھل سے بالی وڈ میں انٹری دینے والی اداکارہ پرینیتی چوپڑا بھی عشق میں مبتلا ہوگئی ہیں۔

خبر ہے کہ پرینیتی چوپڑا فلم بینڈ باجا اور بارات کے ہدایت کار منیش شرما کے ساتھ اکثر نظر آرہی ہیں۔ بھارتی اداکارہ پرینیتی چوپڑا بائیس اکتوبر انیس سو اٹھاسی کو بھارت میں پیدا ہوئیں۔ انگلینڈ سے فنانس کی تعلیم حاصل کرنے کے بعد اداکارہ دوہزار نو میں وطن واپس آئیں۔ پہلے پہل انھوں نے یش راج فلمز کو بطور پبلسٹ جوائن کیا ۔ اس کے بعد ادتیا چوپڑا نے انھیں تین فلموں میں سائن اور انھوں نے فلمی دنیا میں پہلی انٹری سپورٹنگ رول میں فلم '' لیڈیز ورسز رکی بہل'' میں ماری۔ ان کو فلم میں بہترین کارکردگی پر بیسٹ فی میل ڈیبیو کا فلم فیئر ایوارڈ دیا گیا جب کہ بیسٹ سپورٹنگ ایکٹریس کے لیے ان کی نامزدگی ہوئی۔

گزشتہ سال انھوں نے فلم ''عشق زادہ '' کی جس میں انھیں ناقدین کی طرف سے بے پناہ داد ملی۔اداکارہ کا تعلق بھارتی شہر ہریانا سے ہے جب کہ ان کے والد پون چوپڑا ایک کاروباری شخصیت ہیںجو انڈین آرمی کو سپلائی دیتے ہیں۔ ان کی ماں کا نام رینا چوپڑا ہے جب کہ ان کے بھائی ہیں جب کہ وہ پریانکاچوپڑا کی کزن ہیں۔ ان کی اسکولنگ کانونٹ آف جیسس اینڈ میری میں ہوئی ۔ انھوں نے کلاسیکل میوزک بھی تربیت حاصل کی ہے۔ بزنس کرنے کے جنون نے انھیں انگلینڈ پہنچا دیاجہاں سے انھوں نے فنانس میں تعلیم حاصل کی۔ وطن واپسی پر جاب نہ ملنے پر انھوں نے یش راج فلمز کو جوائن کیا۔



اداکارہ کا کہنا ہے کہ وہ اداکاری کے شعبے میں نہیں آنا چاہتی تھیں تاہم مجبوری کے تحت انھوں نے یہ شعبہ اختیا ر کیا۔یش راج فلمز میں انھوں نے بطور پی آر کنسلٹنٹ کام کیاجہاں انھیں اداکاروں کو قریب سے دیکھنے کا موقع ملا۔ ان کی پہلی فلم ''لیڈیز ورسز رکی بہل '' تھی جس کے لیے انھوں نے بہت محنت کی۔ فلم میں انھوں نے رنویر سنگھ اور انوشکا شرما کے ساتھ کام کیاتاہم فلم باکس آفس پر ہٹ نہ ہوسکی۔ فلم میں پرینیتی چوپڑا کی تاہم بہت تعریف کی گئی ۔ اداکارہ کی دوسری فلم ''عشق زادہ '' تھی جس میں انھوں نے نئے اداکار ارجن کپور کے ساتھ کام کیا۔ فلم کو سپر ہٹ کہا گیا جس نے بیالیس کروڑ سے زائد بزنس کیا۔

ہدایتکار شاد علی نے اب انھیں '' کل دل ''میں سائن کیا ہے جس میں وہ رنویر سنگھ اور علی ظفر کے ساتھ جلوے دکھائیں گی ۔ رنویر کے ساتھ یہ ان کی دوسری فلم ہوگی ۔ رول کے بار ے میں پرینیتی چوپڑا نے کہا ہے کہ اس کے بارے میں انھیں زیادہ علم نہیں ہیے تاہم اس میں میں گلیمرس گرل نظر آئو ں گی۔ اداکارہ بہترین اداکاری پر فلم فیئر ایوارڈ ، اسٹار اسکرین ایوارڈ ، زی سائنے ایوارڈ ، اسٹار ڈسٹ ایوارڈ اور آئیفا ایوارڈ حاصل کرچکی ہیں۔ اداکارہ کا کہنا ہے کہ نئی فلم ''کل دل '' میں وہ رنویر سنگھ اور پاکستانی اداکارہ علی ظفر کے ساتھ اچھے رول میں نظر آئیں گی۔

ان کا کہنا تھا کہ وہ فلم انڈسٹری میں قدم جمانے کے لیے بڑی محنت کررہی ہیں اور امید ہے کہ جلد صف اول کی اداکارائوں کی صف میں شامل ہوجائیں گی ۔ انھوں نے کہا کہ بالی وڈ میں مزید کئی فلموں کی آفرز ہیں تاہم وہ وقت اور اسکرپٹ کو سامنے رکھتے ہوئے ہی فلم کا انتخاب کریں گی۔ انھوں نے کہا کہ وہ بالی وڈ میں سینئر کا احترام کرتی ہیں اور زندگی میں ہمیشہ سینئرز کا احترام کرنے سے ہی کامیابی ملتی ہے۔