فلموں سے کنارہ کش نہیں ہوئی اچھا کردار نہیں مل رہا ثناء

پرستار فلموں کی طرح ڈراموں میں بھی میری اداکاری کو پسند کر رہے ہیں، لالی ووڈ اسٹار۔ فوٹو: ثناء

---

لالی ووڈ اسٹار ثناء نے کہا ہے کہ فلموں سے ہرگز کنارہ کش نہیں ہوئی جب بھی مجھے اچھا کردار ملے گا ایک لمحہ ضایع کیے بغیر کام کرنے کی حامی بھر لوں گی۔

میرے پرستار فلموں کی طرح ڈراموں میں بھی میری اداکاری کو پسند کر رہے ہیں جس سے میرے حوصلوںکو نیا جذبہ ملتا ہے' حال ہی میں بھارت میں بننے والی ایک ڈرامہ سوپ کی پیشکش ہوئی ہے لیکن مصروفیات کے باعث معذرت کرلی۔

ثناء نے کہا کہ میں اپنی زندگی میں کبھی مایوس نہیں ہوئی ،مجھے قوی یقین ہے کہ ہماری فلم انڈسٹری کا دور واپس آئیگا اور ہم سب لوگوں کی فلموں میں مصروفیات بڑھیں گی۔