کامیابی حالات سے مقابلہ کرنیوالے کو ملتی ہے کاشف محمود

سفارش اور شارٹ کٹ سے آگے آنے والوں کا سفر مختصر ہوتا ہے، اداکار کی گفتگو فوٹو: فائل

---

LONDON: ٹی وی کے معروف اداکارکاشف محمود نے کہا ہے کہ زندگی میں اتارچڑھائوتو آتا رہتا ہے لیکن کامیابی اسی کوملتی ہے جوحالات سے مقابلہ کرنا جانتا ہو۔

ان خیالات کا اظہار کاشف محمود نے ''ایکسپریس'' کو انٹرویو دیتے ہوئے کیا۔ انھوں نے کہا کہ اپنی فنی اور نجی زندگی کے دوران کئی بار اتار، چڑھائو آئے لیکن میں حالات سے کبھی نہیں گھبرایا اورہرحال میں اپنا کام نیک نیتی اورمحنت سے کرتارہا جس کاثمر آج مجھے مل رہا ہے۔

اگر ہم محنت سے کوئی بھی کام کرتے ہیں تواس کا نتیجہ اچھا ہوتا ہے۔ جولوگ سفارش اورشارٹ کٹ سے آگے بڑھنا چاہتے ہیں ان کا سفر مختصر ہوتا ہے۔