چارسدہ میں مردم شماری کی ٹیم پر فائرنگ جوابی کارروائی میں حملہ آور ہلاک

موقع پر موجود سیکورٹی اہلکاروں کی جوابی فائرنگ سے ملزم فخر عالم بھی زخمی ہو گیا۔ فوٹو : فائل

---

ISLAMABAD: چارسدہ میں مردم شماری کی ٹیم پر فائرنگ سے پولیس اہلکار زخمی ہو گیا جب کہ پولیس کی جوابی فائرنگ سے حملہ آور مارا گیا۔

ایکسپریس نیوز کے مطابق چارسدہ کی تحصیل تنگی کے علاقے ہری چند میں مردم شماری کی ٹیم معمول کے مطابق اپنے فرائض کی انجام دہی میں مصروف تھی کہ ایک مسلح شخص نے سامنے آ کر پولیس کانسٹیبل تاج محمد پر فائرنگ کر دی جس سے اہلکار زخمی ہو گیا، موقع پر موجود سیکورٹی اہلکاروں کی جوابی فائرنگ سے ملزم فخرعالم بھی زخمی ہو گیا۔

اس خبر کو بھی پڑھیں : مردم شماری میں مشکوک افراد کے ڈیٹا کی نادرا سے تصدیق کرانے کا فیصلہ

زخمی کانسٹیبل اور حملہ آور کو لیڈی ریڈنگ اسپتال پشاور منتقل کردیا گیا، جہاں پولیس اہلکار کو طبی امداد دی جا رہی ہے تاہم حملہ آور دم توڑ گیا۔