پیپلزپارٹی نے لاہور کو انتخابی مہم کا مرکز بنانے کا فیصلہ کرلیا

سیاسی مخالفین کو بتائیں گے کہ انتخابات کیسے لڑا جاتا ہے، پی پی پی شریک چیئرمین آصف زرداری

ویب ڈیسک March 22, 2017

سیاسی مخالفین کو بتائیں گے کہ انتخابات کیسے لڑا جاتا ہے، پی پی پی شریک چیئرمین آصف زرداری. فوٹو : فائل

پاکستان پیپلزپارٹی کے شریک چیئرمین آصف علی زرداری کا کہنا ہے کہ آئندہ انتخابات کے لئے لاہور کو انتخابی مہم کا مرکز بنائیں گے اور سیاسی مخالفین کو بتائیں گے کہ الیکشن کیسے لڑا جاتا ہے۔

پیپلزپارٹی کےشریک چیئرمین آصف علی زرداری کی زیرصدارت پارلیمانی پارٹی کا اہم اجلاس لاہور میں ہوا جس میں آئندہ الیکشن بھرپور طریقے سے لڑنے کا فیصلہ کیا گیا جب کہ اجلاس کے دوران یہ بھی فیصلہ ہوا کہ لاہور کو انتخابی مہم کا مرکز بنایا جائے گا۔

پارٹی اجلاس سے خطاب کرتے ہوئے آصف علی زرداری کا کہنا تھا پنجاب میں آکر بیٹھ گئے ہیں اور جس وقت کا انتظار تھا وہ آگیا ہے، پچھلا الیکشن ہمیں لڑنے نہیں دیا گیا تاہم آئندہ انتخاب بھرپور انداز سے لڑیں گے۔ انہوں نے کہا کہ انتخابی مہم میں لاہور کو مرکز بنائیں گے اور سیاسی مخالفین کو بتائیں گے الیکشن کیسے لڑا جاتا ہے جب کہ انہوں نے کارکنوں کو عوام سے رابطے کی بھی ہدایت کی۔