نوکیا 3310 کی پاکستانی مارکیٹ میں جون تک پھر انٹری

آپریٹنگ سسٹم وفیچرزماہانہ آن لائن اپ ڈیٹ ہوں گے، پاکستان اہم منڈی ہے، نائب صدر

Business Reporter March 22, 2017

اسٹریٹجک پارٹنر ایچ ایم ڈی 3 اسمارٹ فونزبھی متعارف کرائے گی، سب انڈرائڈ ہوں گے۔ فوٹو: بشکریہ وائرڈ ڈاٹ کام

ISLAMABAD: موبائل فون بنانے والی کمپنی نوکیا نے 3نئے اسمارٹ فونز اور 3310 جیسے عوامی ماڈل کے ساتھ جون کے آخر تک پاکستانی مارکیٹ میں ایک بار پھر انٹری دینے کا اعلان کردیا ہے، نوکیا کی اسٹریٹجک پارٹنر کمپنی ایچ ایم ڈی پاکستان میں جدید اسمارٹ فونز اور جدید سہولتوں سے آراستہ 3310 متعارف کرارہی ہے۔

پاکستان کے دورے پر آنے والے ایچ ایم ڈی گلوبل کے وائس پریزیڈنٹ برائے مشرق وسطیٰ اور شمالی افریقہ پر اکمین نے مارکیٹنگ منیجر عمار احمد، جنرل منیجر پاکستان کامران احمد اور ڈیجیٹل کمیونی کیشن منیجر محمد زوہیب خان کے ہمراہ کراچی میں صحافیوں سے ملاقات کی اور بتایا کہ نوکیا اسمارٹ فونز کے 3جدید ماڈلز اور 3310 فیچر فون رواں سال کی دوسری سہ ماہی کے اختتام تک پاکستانی مارکیٹ میں متعارف کرا دیے جائیں گے۔

[fb-post-embed url="https://www.facebook.com/expressnewspk/videos/10154877839255528/"]

ایچ ایم ڈی گلوبل کے وائس پریزیڈنٹ کا کہنا تھا کہ پاکستان پرکشش اورنوکیا کے لیے اہم مارکیٹس میں سے ایک ہے جہاں نوکیا کی برانڈ پہلے ہی معیار اور کارکردگی کے حوالے سے نمایاں مقام رکھتی ہے، پاکستان میں نوکیا فون پیش کرنے والی ایچ ایم ڈی گلوبل نے نوکیا کے ساتھ 10 سال کی مدت کے لیے لائسنس ایگری منٹ کیا ہے جبکہ مینوفیکچرنگ پارٹنر فاکس کون اور انڈرائڈ کے ساتھ بھی اسٹریٹجک پارٹنرشپ کی گئی ہے جس کا مقصد صارفین کی ضروریات کے مطابق اعلیٰ معیار کی ڈیوائسز فراہم کرنا ہے۔

وائس پریزیڈنٹ اکمین نے بتایا کہ نوکیا کے اسمارٹ فونز خالصتاً انڈرائڈ سسٹم پر مشتمل ہوں گے، فونز کے آپریٹنگ سسٹم اور سیکیوریٹی فیچرز ماہانہ بنیادوں پر آن لائن اپ ڈیٹ کیے جائیں گے، نوکیا کے فون کارکردگی اور جدید سہولتوں کے ساتھ قیمت کے لحاظ سے مسابقت پر بھی پورا اتریں گے اس موبائل کی قیمت 51 ڈالر یعنی پاکستانی روپوں میں لگ بھگ 5100 روپے ہے۔ انہوں نے بتایا کہ نوکیا کی جانب سے چین کی مارکیٹ میں متعارف کرائے گئے نوکیا 6ماڈل نے فروخت کے نئے ریکارڈ قائم کیے ہیں، فون لانچ کیے جانے سے قبل ہی 1 ملین افراد نے فون کے حصول کے لیے پیشگی رجسٹریشن کرادی جبکہ تمام فونز صرف 23 سیکنڈز میں فروخت کردیے گئے۔ فون کے 74فیصد خریداروں میں نوجوان شامل ہیں جبکہ 97 فیصد خریداروں نے موبائل سیٹ کی کارکردگی اور معیار کو اطمینان بخش قرار دیا ہے۔