امریکی صدر براک اوباما نے کہا ہے کہ افغانستان سے فوجیوں کی واپسی کے بعد افغان جنگ ختم ہوجائے گی۔
امریکی صدر براک اوباما نے ریڈیو اور انٹرنیٹ پرجاری کردہ اپنے ہفتہ وار ویڈیو پیغام میں بتایا کہ افغانستان سے امریکی فوجیوں کی واپسی کے بعد امریکا کی ترقی کا عمل جاری رہے گا، گزشتہ 4 برسوں میں امریکی فوجیوں نے القاعدہ کو ناقابل تلافی نقصان پہنچایا ہے۔
صدراوباما نے کہا کہ افغانستان میں غیرملکی فورسز نے طالبان کو مضبوط ٹھکانوں سے باہر نکال پھینکا ہے، افغان جنگ شروع کرنے کا بنیادی مقصد ہماری گرفت میں ہے، انہوں نے کہا کہ افغانستان سے القاعدہ امریکا پر دوبارہ حملہ کرنے کے قابل نہیں رہا ہے