شاہد آفریدی کا پشاور زلمی چھوڑنے کا اعلان

ذاتی وجوہات کی بنا پر پشاور زلمی کی صدارت اور بحیثیت کھلاڑی ٹیم چھوڑ رہا ہوں، شاہد آفریدی. فوٹو:فائل

---

بوم بوم شاہد خان آفریدی نے پشاور زلمی کو خیرباد کہتے ہوئے ٹیم کی صدارت بھی چھوڑ دی۔

سماجی رابطے کی ویب سائٹ ٹوئٹر پر ایک ٹوئٹ کے ذریعے شاہد آفریدی نے اعلان کیا کہ وہ ذاتی وجوہات کی بنا پر پشاور زلمی کی طرف سے نہیں کھیل سکیں گے اور بحیثیت صدر اور کھلاڑی پشاور زلمی چھوڑ رہے ہیں جب کہ اسی ٹوئٹ میں شاہد آفریدی نے اشارہ بھی دیا کہ وہ اب کسی اور جگہ نظر آئیں گے۔

Won d 🏆 with 1 team,Time for another.Im announcing my end of service as president&player of PeshawarZalmi Team due to my personal reasons1/2

— Shahid Afridi (@SAfridiOfficial) March 24, 2017

شاہد آفریدی نے پشاور زلمی کے لئے نیک خواہشات کا اظہار کرتے ہوئے کہا کہ مجھے امید ہے کہ میں جہاں بھی جاؤں گا پشاور زلمی کے پرستار میرے ساتھ ہوں گے۔

My best wishes with Peshawar Zalmi nd as far as my Peshawar fans r concerned I know they are with me wherever i go.

— Shahid Afridi (@SAfridiOfficial) March 24, 2017

دوسری جانب ذرائع کا کہنا ہے کہ شاہد آفریدی نے ٹیم کے مالک جاوید آفریدی سے اختلافات کی وجہ پشاور زلمی کو چھوڑنے کا فیصلہ کیا، وہ کرکٹنگ معاملات میں ان کے بڑھتے ہوئے عمل و دخل سے خوش نہیں تھے، چند ماہ قبل بھی انھوں نے ٹیم چھوڑنے کا ذہن بنا لیا تھا مگر بعض ''بڑوں'' کے کہنے پر ایسا نہیں کیا، اس وقت دو فرنچائزز ان سے معاہدے کیلیے تیار تھیں، اب بھی ان کے پاس آپشنز کی کمی نہیں جبکہ آئندہ سال چھٹی ٹیم بھی پی ایس ایل میں کا حصہ ہوگی۔

شاہد آفریدی کے قریبی ذرائع نے بتایا کہ حالیہ دنوں میں شاہ رخ خان کی جانب سے دعوت و بعض دیگر خبریں چلنے اور پھر بیک فائر ہونے کا بھی انھیں دکھ پہنچا تھا، ان کو لگتا تھا کہ ٹیم حکام کی جانب سے میڈیا کی توجہ کیلیے بار بار اس قسم کی شوشے چھوڑنے سے ان کی ساکھ بھی متاثر ہو رہی ہے،دیگر کئی معاملات بھی انھیں پسند نہیں تھے اس لیے یہ انتہائی قدم اٹھا لیا۔