عراق میں دہشت گردی کی تازہ لہر 12افراد ہلاک 15زخمی

بجائی میں سڑک کے کنارے نصب بم دھماکے میں ایک پولیس اہلکار ہلاک اور 3زخمی، فلوجہ میں پٹرول پمپ کے قریب دھماکا. فوٹو: رائٹرز

---

QUETTA: عراق میں دہشت گردی کی تازہ لہر میں 12ہلاک اور 15زخمی ہوگئے ۔

اتوار کو عالمی میڈیا کی رپورٹ کے مطابق کریہ کے علاقے سے 3لاشیں برآمد کی گئیں جبکہ کرکوک میں فٹ بال سٹیڈیم کے قریب بم دھماکے میں 2کھلاڑیوں سمیت 3افرادہلاک اور 5زخمی ہوگئے۔ بغدادکے شما ل میں ایک فوجی چوکی پرجنگجوؤں کے حملے میں 3 سرکاری فوجی ہلاک ہوگئے۔کسی نے ذمے داری قبول نہیں کی۔



بم دھماکے میں ڈائریکٹر ہوم افئیرز کو نشانہ بنایا گیا جس میں ایک خاتون اور بچہ بھی زخمی ہوئے ۔موصل میں مسلح افراد کے حملے میں ایک شخص اور اس کا بیٹا ہلاک ہوگئے۔ بجائی میں سڑک کے کنارے نصب بم دھماکے میں ایک پولیس اہلکار ہلاک اور 3زخمی ہوگئے ۔جبکہ فلوجہ میں پٹرول پمپ کے قریب بم دھماکے میں کوئی ہلاکت نہیں ہوئی ۔