اسپین میں نقلی کیلوں کے اندر منشیات چھپا کراسمگل کرنے کی کوشش ناکام

منشیات کو مصنوعی کیلوں میں چھپا کر اٹلی بھیجنے کی کوشش کی جا رہی تھی، پولیس۔ فوٹو : فائل

---

ائیر پورٹ حکام نے جعلی کیلوں میں چھپائی گئی منشیات برآمد کرکے 2 مسافروں کو گرفتار کر لیا ۔

غیرملکی خبر رساں ادارے کے مطابق ہسپانوی پولیس نے خفیہ اطلاع پرمیڈرڈ ائیرپورٹ پر کارروائی کے دوران 17 کلوگرام کوکین برآمد کرلی، پولیس کے مطابق منشیات کو مصنوعی کیلوں میں چھپا کر اٹلی بھجوانے کی کوشش کی جارہی تھی۔

اس خبر کو بھی پڑھیں : منشیات اسمگلنگ کیس میں پاکستانی شہری کا سر قلم

ہسپانوی پولیس نے منشیات اسمگلنگ کے جرم میں 2 افراد کو موقع پر ہی گرفتار کر لیا جب کہ ایک شخص سے اٹلی میں تفتیش کی جا رہی ہے۔ پولیس کا کہنا ہے کہ گرفتار افراد کی مدد سے بڑے اسمگلرز تک پہنچنے میں مدد ملے گی۔