میانمار میں فوجی ہیلی کاپٹر گر کر تباہ3 فوجی ہلاک

ہیلی کاپٹر میں سوار 2 فوجی پائلٹ اور ایک سارجنٹ حادثے میں ہلاک ہوئے،وزارت دفاع. فوٹو: اے ایف پی/ فائل

---

میانمار میں فوجی ہیلی کاپٹر گر کر تباہ ہونے سے 3 فوجی ہلاک ہوگئے۔

میانمار کی شورش زدہ شمالی ریاست کچین میں ایک فوجی ہیلی کاپٹر گر کر تباہ ہوگیا جو کہ سیکورٹی مشن پر تھا،میانمار کے باغیوں نے دعویٰ کیا ہے کہ انہوں نے ہیلی کاپٹر کو مار گرایا ہے، باغیوں کے مطابق فائرنگ سے ہیلی کاپٹر کا انجن بند ہوگیا اور ایمرجنسی لینڈنگ کی کوشش کے دوران ہیلی کاپٹر گر کر تباہ ہوگیا۔

میانمار کی وزارت دفاع کے مطابق ہیلی کاپٹر میں سوار 2 فوجی پائلٹ اور ایک سارجنٹ حادثے میں مارے گئے تاہم وزارت نے باغیوں کے حملے کی تصدیق نہیں کی۔