منفرد کرداروں سے فنکارانہ صلاحیتوں میں نکھارآیا فاطمہ آفندی

انسان اگرمحنت سے کام کرے توکامیابی مل جاتی ہے، فاطمہ آفندی ۔ فوٹو : فائل

---

ٹی وی کی معروف اداکارہ فاطمہ آفندی نے کہا ہے کہ پرائیویٹ پروڈکشنز کے بہت سے منفرد کرداروں نے میری فنکارانہ صلاحیتوں میں نکھارپیداکیا ہے اورمجھے امید ہے کہ مستقبل میں بھی یہ میرے لیے بہت فائدہ مند ثابت ہوگا۔

ان خیالات کااظہارفاطمہ آفندی نے ''ایکسپریس'' سے گفتگوکرتے ہوئے کیا۔ انھوں نے کہاکہ ہمارے ملک میں جب سے پرائیویٹ سیکٹر نے ٹی وی پروڈکشن شروع ہوئی ہے اس وقت سے منفرد اوراچھوتے موضوعات پرڈرامے پیش کیے جارہے ہیں ۔ دوسری جانب پرائیویٹ چینلز بھی ہمارے ملک کے بہترین ڈرامے ٹیلی کاسٹ کر کے ناظرین کو خوب انٹرٹین کررہے ہیں جوخوش آیندبات ہے۔ اپنے فنی سفر کے دوران مجھے بہترین ہدایتکاروں ، فنکاروں کے ساتھ کام کرنے کا موقع ملا جن کی رہنمائی سے بہت کچھ سیکھا۔ میں سمجھتی ہوںکہ انسان اگرمحنت سے کام کرے توکامیابی مل جاتی ہے لیکن سیکھنے کا عمل ہمیشہ جاری رہنا چاہیے۔