کاؤنٹر ٹیررازم ڈیپارٹمنٹ (سی ٹی ڈی) نے نواحی علاقے میں کارروائی کرتے ہوئے گھر میں چھپے 5 دہشت گردوں کو ہلاک کردیا۔

ایکسپریس نیوز کے مطابق سی ٹی ڈی نے گجرات کے نواحی گاؤں کنجاہ میں دہشت گردوں کی موجودگی کی اطلاعات پر ایک گھر کا محاصرہ کیا تو اس دوران دہشت گردوں نے فائرنگ شروع کردی جب کہ جوابی کارروائی کے دوران 5 دہشت گرد ہلاک اور 2 فرار ہوگئے۔ حکام کے مطابق ہلاک دہشت گردوں کا تعلق کالعدم تنظیم سے ہے جو کنجاہ گاؤں کے ایک گھر میں پناہ لئے ہوئے تھے جب کہ دہشت گردوں کے قبضے سے دستی بم، بارودی مواد، کلاشنکوفیں اور دیگر سامان برآمد ہوا ہے۔