کراچی میں دودھ کی قیمت میں 5 روپے فی لیٹراضافے کا نوٹیفکیشن جاری

شہر بھر میں پہلے ہی دودھ 86 سے 90 روپے فی لیٹر پر فروخت ہو رہا تھا فوٹو:: فائل

---

شہری انتظامیہ نے کراچی کے صارفین پرڈیری بم گراتے ہوئے دودھ کی قیمت میں 5 روپے فی لیٹرکا اضافہ کردیاہے۔

کمشنر ہاؤس میں گزشتہ روز اسٹیک ہولڈز کے اجلاس کے بعد نئے نرخ کا نوٹیفکیشن جاری کردیا گیا ہے جس میں دودھ کی ڈیری پرائس74.50 روپے فی لیٹرہول سیل قیمت 79 روپے لیٹر جبکہ خوردہ قیمت 85 روپے فی لیٹر مقررکی گئی ہے۔

واضح رہے کہ ڈیری فارمرز اور ہول سیلرز نے 2 ماہ قبل ہی دودھ کی قیمت میں 6 روپے فی لیٹر تک اضافہ کردیا تھا جس کے بعد شہر بھر میں تازہ دودھ 86 سے 90 روپے فی لیٹر فروخت کیاجارہا ہے۔