روینا ٹنڈن نے راحت فتح علی خان کی جگہ لے لی

گلوکار راحت فتح علی کی بالی وڈ اداکارہ روینا ٹنڈن کی فلم'' ماتر'' کی ایک میوزک وڈیو میں جلوہ گر ہونے کی رپورٹس سامنے آئیں تھی تاہم اب فلم کے پروڈیوسرز نے واضح کردیا ہے کہ راحت فتح علی خان اس گانے کا حصہ نہیں بنیں گے۔


بھارتی میڈیا کی رپورٹ کے مطابق پروڈیوسر انجم رضوی نے کہا کہ اچھا ہوتا اگر ہم راحت فتح علی خان کو گانے میں شامل کر پاتے لیکن بدقسمتی سے اس موقع پر یہ نہیں ہوسکتا۔ فلم ساز اس میوزک وڈیو میں راحت فتح علی خان کی جگہ روینا ٹنڈن کے فلم میں کیے گئے ایک سین کو ہی پیش کریں گے تاہم فلم ماتر کے ٹریلر لانچ پر اداکارہ روینا ٹنڈن کا کہنا تھا کہ انھیں ایسا محسوس ہوتا ہے کہ فن اور ثقافت پر کسی قسم کی پابندیاں نہیں لگانی چاہیے۔