ون ڈے سیریز کیلیے ویسٹ انڈین اسکواڈ کا اعلان

پاکستان کے خلاف ون ڈے میچز کیلیے ویسٹ انڈیز نے اسکواڈ کا اعلان کردیا۔

پاکستان سے ون ڈے میچز کیلیے ویسٹ انڈیز کے اوپننگ بیٹسمین کریگ بریتھ ویٹ اسکواڈ میں جگہ بنانے میں کامیاب نہیں ہوسکے جب کہ ویسٹ انڈیز کے ٹی 20 کپتان کارلوس بریتھ ویٹ آئی پی ایل میں شرکت کی وجہ سے اہم ون ڈے سیریز کا حصہ نہیں ہوں گے، ان کی عدم موجودگی میں آل راﺅنڈر روومان پاول کو ٹیم میں شامل کیا گیا ہے۔ فاسٹ بولر شینن گیبریل بھی ٹیم کا حصہ ہوں گے جب کہ وکٹ کیپر بیٹسمین کیڈوک والٹن کو بھی لمبے عرصے کے بعد ایک روزہ اسکواڈ میں شامل ہونے کا موقع مل گیا ہے۔

اس خبر کو بھی پڑھیں :پاکستان نے ٹی ٹوئنٹی سیریز اپنے نام کرلی


جیسن ہولڈر ویسٹ انڈین ٹیم کے کپتان ہوں گے جب کہ دیگر کھلاڑیوں میں دویندرا بشو، جوناتھن کارٹر، میگوئل کمنز، شینن گیبریل، شائی ہوپ، الزاری جوزف، ایون لیوس، جیسن محمد، ایشلے نرس، کیرن پاول، روومان پاول اور وکٹ کیپر بیٹسمین کیڈوک والٹن شامل ہیں۔

اس خبرکو بھی پڑھیں :پاکستان کی ٹی ٹوئنٹی رینکنگ میں چوتھی پوزیشن

پاکستان اور ویسٹ انڈیز کے درمیان پہلا ون ڈے 7 اپریل کو کھیلا جائے گا۔ دوسرا مقابلہ 9 جب کہ تیسرا ون ڈے 11 اپریل کو کھیلا جائے گا۔