نادرا کی نااہلی بدین کی ہزاروں خواتین شناختی کارڈ سے محروم

بدین میں ہزاروں خواتین شناختی کارڈ بنوانے سے محروم ہیں جبکہ 15 جنوری تک 38 ہزار خواتین کے شناختی کارڈ بنانے کا کام مکمل ہونا تھا لیکن نادرا کے عدم تعاون کی وجہ سے صرف 22 سو خواتین کے شناختی کارڈ بن سکے ہیں۔

یہ بات ایک سماجی تنظیم ڈیوکان نے ایک بیان میں کہی، ان کا کہنا ہے کہ 38 ہزار دیہی خواتین کو ان کے گھروں پر شناختی کارڈ بنوانے کے لیے جو کام ڈیوکان تنظیم کو سونپا گیا تھا اس کے لیے نادرا کے افسران اور عملے کے ساتھ کئی اجلاس ہوئے لیکن کہیں سے کوئی مثبت ردعمل نہ آیا جبکہ سیاسی پارٹیوں نے بھی اس سلسلے میں کوئی کردار ادا نہیں کیا۔




شناختی کارڈ نہ بننے کی وجہ سے ہزاروں خواتین بے نظیر انکم سپورٹ پروگرام سے استفادہ حاصل نہیں کرسکی ہیں۔