ون ڈے سیریز پاکستان ٹیم نے گیانا میں ڈیرے ڈال لیے

ٹی ٹوینٹی سیریز میں جیت کے بعد ون ڈے سیریز کی کامیابی کا عزم لئے شاہین گیانا میں پہنچ گئے ہیں۔


ٹی ٹوینٹی سیریز میں ویسٹ انڈیز کو چار ایک سے مات دینے کے بعد اب قومی کرکٹ ٹیم ون ڈے سیریز میں کامیابی کی عزم لئے گیانا پہنچ گئی ہے، دونوں ٹیموں کے درمیان تین ایک روزہ میچز کھیلے جائیں گے۔ پہلا مقابلہ 7 اپریل کو ہو گا۔ دوسرا مقابلہ 9 جبکہ تیسرا میچ 11 اپریل کو پراویڈنس سٹیڈیم میں ہو گا۔

اس سے قبل پاکستان ٹیم نے ٹی ٹوئنٹی سیریز اپنے نام کی تھی۔ ون ڈے سیریز پاکستان اور ویسٹ انڈیز دونوں کیلیے انتہائی اہمیت کی حامل ہے، پاکستان ٹیم ویسٹ انڈیز پر 5 پوائنٹس کی برتری کے ساتھ عالمی رینکنگ میں 8 ویں پوزیشن پر ہے، ورلڈ کپ میں براہ راست جگہ بنانے کیلیے سیریز میں فتح اہم کردار ادا کرے گی۔ دوسری جانب کریبیئنز اچھی کارکردگی دکھاتے ہوئے ورلڈ کپ تک رسائی کے امکانات بہتر کرنے کیلیے کوشاں ہوں گے۔