کراچی سے ٹارگٹ کلرز اور بھتہ خوروں سمیت 45 جرائم پیشہ افراد گرفتار

پولیس اور رینجرز کی کارروائیوں میں کالعدم تنظیموں اور سیاسی جماعتوں کے کارندے بھی گرفتار، اسلحہ برآمد، فوٹو؛ فائل

---

شہر کے مختلف علاقوں میں رینجرز اور پولیس کی کارروائیوں میں کالعدم تنظیموں کے کارندوں سمیت 45 ملزمان کو گرفتار کرلیا گیا جن میں ٹارگٹ کلرز بھی شامل ہیں۔

ایکسپریس نیوز کے مطابق کراچی کے مختلف علاقوں میں رینجرز اور پولیس نے چھاپہ مار کارروائیاں کیں جن میں سیاسی جماعت اور کالعدم تنظیموں کے کارندوں سمیت 45 جرائم پیشہ افراد کو گرفتارکیا گیا۔ ذرائع کے مطابق گرفتار ملزمان میں ٹارگٹ کلرز، بھتہ خور، اشتہاری، مفرور اور ڈکیت بھی شامل ہیں جب کہ ملزمان اسے اسلحہ، گولیاں، دستی بم، منشیات اور لوٹا ہوا مال بھی برآمد ہوا ہے۔