یونس خان ٹارگٹ میچ میں امپائر سے الجھ پڑے

قومی کرکٹ ٹیم کے سینئر بیٹسمین یونس خان ٹارگٹ میچ کے دوران امپائر سے الجھ پڑے۔

ویسٹ انڈیز کے خلاف ٹیسٹ سیریز کیلیے قومی کھلاڑیوں کا تربیتی کیمپ قذافی اسٹیڈیم میں جاری ہے، آج پلیئرز کے درمیان ٹارگٹ میچ کھیلا گیا، اس موقع پرسینئر بیٹسمین یونس خان کی کسی معاملہ پر امپائر سے تلخ کلامی ہوئی۔ اس دوران یاسر شاہ اور دیگر کھلاڑیوں نے معاملہ رفع دفع کروادیا۔


اس خبر کو بھی پڑھیں :یونس خان نے کپتانی میں دلچسپی ظاہر کر دی

واضح رہے کہ قومی ٹیم کے تربیتی کیمپ کیلیے سلیکشن کمیٹی نے 13 کھلاڑیوں کو مدعو کیا تھا جن میں سے 9 کرکٹرز اظہر علی، اسد شفیق، شان مسعود، عثمان صلاح الدین، یاسر شاہ، سہیل خان، راحت علی، محمد عباس اور خالد عثمان نے گزشتہ روز پریکٹس کی تھی جب کہ مصباح الحق، سمیع اسلم، اسد رضا اور یونس خان نے آج کیمپ جوائن کیا۔