کراچی نارتھ ناظم آباد میں دکان سے 3 افراد کی لاشیں برآمد

نارتھ ناظم آباد تھانے کی حدود میں ایک دکان سے 3 افراد کی لاشیں برآمد ہوئی ہیں۔

ایکسپریس نیوز کے مطابق نارتھ ناظم آباد تھانے کی حدود میں حیدری کے علاقے میں واقع حجام کی دکان سے 3 افراد کی لاشیں برآمد ہوئی ہیں جنہیں پوسٹ مارٹم کے لئے عباسی شہید اسپتال منتقل کر دیا گیا ہے۔


اس خبر کو بھی پڑھیں: کراچی کے علاقے میں مکان پر پہاڑی تودہ گرنے سے 5 افراد جاں بحق

ایس ایس پی سنٹرل مقدس حیدر کا کہنا ہے کہ تینوں افراد حجام کی دکان پر کام کرتے تھے اور جب مالک نے صبح دکان کھولی تو تینوں کی لاشیں پڑی ملیں جس پر اس نے پولیس کو مطلع کیا۔ ایس ایس پی سینٹرل کے مطابق تینوں افراد کی موت دم گھٹنے کے باعث ہوئی تاہم واقعہ کی تحقیقات کا آغاز کر دیا گیا ہے۔