سب سے زیادہ معاوضہ لینے کی باتیں درست نہیں ماہرہ خان

ISLAMABAD:
اداکارہ ماہرہ خان نے کہا ہے کہ انہیں متعدد فلموں میں کام کرنے کی پیشکش ہے مگر وہ اسکرپٹ پڑھ کے اچھے ڈائریکٹر کیساتھ کام کرنا پسند کریں گی۔


ماہرہ خان نے ایک انٹرویو کے دوران کہا کہ آج کل میری کراچی میں متعدد ڈرامہ سیریل کی ریکارڈنگ کا سلسلہ جاری ہے اور اس کے ساتھ میرے کمرشل بھی چل رہے ہیں۔ اداکارہ نے کہا کہ سب سے زیادہ معاوضہ لینے کی باتیں درست نہیں، البتہ پروجیکٹ کے مطابق اپنا معاوضہ طے کرتی ہوں۔

اداکارہ کا کہنا تھا کہ فلم '' رئیس '' نے جس طرح سے کامیابی حاصل کی وہ میرے تصور سے باہر ہے، فلم '' رئیس '' کی کامیابی سے مجھے پاکستانی فلمسازوں کی جانب سے ایک درجن سے زیادہ فلموں کی پیشکش کی جا چکی ہے تاہم ابھی تک میں نے کسی فلم میں کام کرنے کا فیصلہ نہیں کیا۔