بھارت میں خواتین سے زیادتی اور تیزاب پھینکنے کے بڑھتے ہوئے واقعات کے خلاف خواتین سے اظہار یکجہتی کے لئے فیشن شو کا انعقاد کیا گیا۔
ممبئی میں منعقدہ فیشن شو میں بالی ووڈ کے نامور ستاروں نے فیشن ڈیزائنر نیتا لولا کے رنگا رنگ ملبوسات پہن کر ریمپ پر واک کی، اداکارہ سشمیتا سین، ایشیا دیول، زینت امان اور گلشن گروور سمیت کئی اداکاروں نے ریمپ پر جلوے بکھیرے، فیشن شو کا مقصد بھارت میں زیادتی کا شکار ہونے والی خواتین کے ساتھ اظہار یکجہتی تھا۔