صوبہ پنجاب میں 25 دن کی سی این جی کی بندش کے بعد کل ایک روز کے لئے سی این جی اسٹیشنز کھلیں گے جبکہ ہفتے میں اسٹیشنز 4 روز کے بجائے صرف ایک دن کے لئے کھلا کریں گے۔

سی این جی ایسوسی ایشن پنجاب کے صدر شجاع انور نے کہا کہ ہفتے میں صرف ایک دن سی این جی اسٹیشنزکھولنے کے فیصلے سے کاروبار مزید تباہ ہو جائے گا جو ناقابل قبول ہے اور ہم ایسا بزنس کرنا نہیں چاہتے جس میں منافع کے بجائے نقصان اٹھانا پڑے، انہوں نے مطالبہ کیا کہ سی این جی اسٹیشنز کو ہفتے میں 4 دن کے لئے کھولا جائے۔