اپنے حوالے سے عدالت کا فیصلہ قبول کروں گا آئی جی سندھ

سندھ حکومت میری مخالف نہیں، آئی جی پولیس اللہ ڈنو خواجہ

ویب ڈیسک April 07, 2017

سندھ حکومت میری مخالف نہیں، آئی جی پولیس اللہ ڈنو خواجہ، فوٹو؛ فائل

آئی جی سندھ اے ڈی خواجہ کا کہنا ہےکہ سندھ حکومت ان کی مخالف نہیں وہ اپنے متعلق عدالت کے ہر فیصلے کو قبول کریں گے۔

بدین کے علاقے ٹنڈو غلام علی میں پولیس اسٹیشن کی نئی عمارت کی افتتاحی تقریب سے خطاب کرتے ہوئے آئی جی سندھ اللہ ڈنو خواجہ نے کہا کہ سندھ حکومت میری مخالف نہیں، میرا معاملہ عدالت میں زیر سماعت ہے لہٰذا اس حوالے سے عدالت کے فیصلے کو قبول کروں گا۔ انہوں نے کہا کہ سندھ پولیس کا کوئی صوابدیدی فنڈ نہیں، پولیس کا 85 فیصد بجٹ تنخواہوں باقی پیٹرولنگ اور موبائلوں پر لگ جاتا ہے۔ ان کا کہنا تھا کہ سندھ پولیس میں اصلاحات سے وڈیرہ اورا فسرشاہی کلچر ختم کردیں گے۔

واضح رہے کہ سندھ حکومت نے گزشتہ روز آئی جی کو ہٹانے کی تیسری کوشش کرتے ہوئے کابینہ سےمنظوری لی تاہم سندھ ہائیکورٹ نے اس حوالے سے حکم امتناع ختم کرنے کی درخواست مسترد کردی اور اے ڈی خواجہ کو حتمی فیصلے تک عہدے پر کام جاری رکھنے کی ہدایت کی ہے۔