پاکستان اور بھارت کا لائن آف کنٹرول پر کشیدگی ختم کرنے پر اتفاق

دونوں ممالک کے ڈی جی ملٹری آپریشنز کے درمیان لائن آف کنٹرول پرکسی بھی قسم کی اشتعال انگیزی سے گریز کرنے پربھی اتفاق کیا گیا۔ فوٹو: اے ایف پی/ فائل

---

JAKARTA: پاکستان اوربھارت نے لائن آف کنٹرول پرکشیدگی ختم کرنے پراتفاق کیا ہے۔

بھارتی میڈیا کے مطابق پاکستان اوربھارت کے ڈائریکٹرجنرل ملٹری آپریشنز کے درمیان ٹیلی فونک رابطے میں لائن آف کنٹرول پرکشیدگی ختم کرنے اورسرحدپرکسی بھی قسم کی اشتعال انگیزی سے گریز کرنے پراتفاق کیا گیا ہے۔

واضح رہے کہ گزشتہ کچھ دنوں سے لائن آف کنٹرول پرپاکستان اوربھارت کے درمیان صورتحال انتہائی کشیدہ ہے اوراس دوران بھارت نے متعدد بارفائربندی کی خلاف ورزی کی جس کے دوران پاکستان کے 3فوجی شہید اورمتعدد زخمی ہوگئے ۔ پاکستان نے بھارت سے جب ان واقعات پر احتجاج کیا تو الٹا بھارت نے واویلا مچانا شروع کردیا کہ پاکستانی فوج کی فائرنگ سے اس کے 2فوجی ہلاک ہوئے۔

پاکستان نے بھارت کے الزام کو مستردکرتے ہوئے لائن آف کنٹرول پرفائربندی کی خلاف ورزی کی تحقیقات اقوام متحدہ یا کسی تیسرے فریق سے کرانے کی بھی پیش کش کی جسے بھارت نے مستردکردیا۔