الیكشن كمیشن آف پاكستان نے جماعتی انتخابات نہ کرانے پر تحریک انصاف کو چکوال کے ضمنی انتخاب کے لیے نااہل قرار دے دیا۔

الیكشن كمیشن کے مطابق پاكستان تحریك انصاف 23 مارچ تك جماعتی انتخابات كرانے كی پابند تھی لیکن جماعتی انتخاب نہ كرانے كے باعث تحریك انصاف چكوال كے ضمنی انتخاب میں حصہ لینے كے لیے اہل نہیں رہی۔ الیكشن كمیشن کا کہنا ہےکہ قانون بلاامتیاز تمام جماعتوں پر لاگو ہے اور قانون پر عملدرآمد تك پی ٹی آئی كسی بھی انتخاب میں حصہ نہیں لے سكتی۔