مصباح کے بعد یونس خان کا بھی ٹیسٹ کرکٹ سے ریٹائرمنٹ کا اعلان

ویسٹ انڈیز سے اگلی ٹیسٹ سیریز کے بعد ریٹائرہوجاؤں گا، یونس خان


ویب ڈیسک April 08, 2017
یونس خان ٹیسٹ کرکٹ میں 10 ہزار رنز کے سنگ میل سے صرف 23 رنز کی دوری پر ہیں۔ فوٹو: فائل

ISLAMABAD: قومی ٹیسٹ ٹیم کے کپتان مصباح الحق کے بعد تجربہ کار بلے باز یونس خان نے بھی ٹیسٹ کرکٹ سے ریٹائرمنٹ کا اعلان کردیا۔

کراچی میں پریس کانفرنس کرتے ہوئے یونس خان نے ٹیسٹ کرکٹ سے ریٹائر ہونے کا اعلان کیا۔ انہوں نے کہا کہ میں نے ہمیشہ پاکستان کے لیے کھیلنے کی کوشش کی اور یہی سوچا کہ کھیل کے دوران میرا سر فخر سے بلند رہے۔ ہرکھلاڑی کی زندگی میں ایسا وقت آتا ہے جب وہ اپنے جنون سے پیچھے ہٹ جاتا ہے اور میرا وقت بھی آگیا ہے، وہ اعلان کرتے ہیں کہ دورہ ویسٹ انڈیز ان کا آخری دورہ ہوگا ، اس کے بعد وہ بین الاقوامی کرکٹ سے ریٹائر ہوجائیں گے۔

اس خبر کو بھی پڑھیں: مصباح الحق کا ٹیسٹ کرکٹ سے بھی ریٹائرمنٹ کا اعلان

یونس خان نے کہا کہ میرے ریٹائرمنٹ کے فیصلے کا احترام کیاجائے، مجھ سے جو غلطی ہوئی اسے نظر انداز کردیں جب کہ کوشش کروں گا کہ استعفیٰ پر یوٹرن نہ لوں لیکن ہمارے لیے سب سے پہلے پاکستان ہے، ریٹائرمنٹ کے بعد بھی پاکستان کو جب ضرورت پڑی میں حاضر رہوں گا۔

اس خبر کو بھی پڑھیں: میرے مستقبل کا انحصار ٹیم کی ضرورت پر ہوگا، یونس خان

واضح رہے کہ یونس خان ٹیسٹ کرکٹ میں 115 میچز کی 207 اننگز میں 53.06 کی اوسط سے 9977 رنز بنا چکے ہیں اور انہیں 10 ہزار رنز کا سنگ میل عبور کرنے کے لئے صرف 23 رنز درکار ہیں۔ اگر یونس خان ویسٹ انڈیز کے خلاف ٹیسٹ سیریز کھیلتے ہیں تو اس بات کا قومی امکان ہے کہ وہ پاکستان کی جانب سے 10 ہزار ٹیسٹ رنز بنانے والے پہلے کھلاڑی بننے میں کامیاب ہو جائیں گے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں