بھارتی اداکار کمل ہاسن کے گھرآگ بھڑک اٹھی

کمل ہاسن نے ملازمین کی جانب سے بروقت آگ کی اطلاع دینے پر گھر سے نکل کر جان بچائی، فوٹو؛ فائل

---

بھارتی اداکار کمل ہاسن کے گھرکو پڑوس میں لگنے والی آگ نے لپیٹ میں لے لیا جب کہ اداکارنے ملازمین کی بر وقت اطلاع پر گھر سے بھاگ کر جان بچائی۔

بالی ووڈ اداکار کمل ہاسن کے چنئی میں واقع گھر کے پڑوس میں رات گئے شارٹ سرکٹ سے آگ بھڑک اٹھی جس نے دیکھتے ہی دیکھتے اداکار کے گھر کو بھی لپیٹ میں لے لیا جب کہ واقعے کے وقت کمل ہاسن گھر پر ہی موجود تھے اور ملازمین کی جانب سے بروقت اطلاع پر انہوں نے گھر سے باہر نکل کر جان بچائی تاہم دھواں زیادہ ہونے سے ان کے پھیپھڑوں کو نقصان پہنچا ہے۔

فائر بریگیڈ عملے نے بروقت کارروائی کرکے آگ پر قابو پالیا جس کے نتیجے میں کوئی جانی نقصان نہیں ہوا۔ فائر بریگیڈ حکام نے بھی کمل ہاسن کے پڑوس میں آگ لگنے کی تصدیق کی ہے جس سے اداکار کا گھر بھی متاثر ہوا۔

Thanks to my staff. Escaped a fire at my house. Lungs full of smoke, I climbed down from the third floor. I am safe No one hurt . Goodnight

— Kamal Haasan (@ikamalhaasan) April 7, 2017

دوسری جانب کمل ہاسن نے سماجی رابطے کی ویب سائٹ ٹوئٹر پر اپنی خیریت سے مداحوں کو آگاہ کیا۔ ان کا ٹوئٹ میں کہنا تھا کہ میرے ملازمین کا شکریہ جن کی وجہ سے میری جان بچ گئی لیکن آگ سے پھیپھڑوں میں دھواں بھر گیا تھا جس پر میں تیسرے فلور سے نیچے آیا اور اب میں مکمل طور پر محفوظ ہوں۔