سال رواں میں دو بہترین فلمیں دونگی اداکارہ دھرمیندر کی فلم میں کام کرنے پر فخر ہے نیہا شرما

ماڈلنگ بھی کرتی رہوں گی،کم عرصے میں مرکزی کرداروں میں کاسٹ کرنے پر خوش ہوں،نیہا شرما۔ فوٹو : فائل

---

بالی وڈ اداکارہ نیہا شرما دھرمیندر کی نئی فلم نئی فلم ''یملا پگلا دیوانہ ٹو ''میں لیڈنگ لیڈی رول نبھائیں گی۔

اداکارہ کا کہنا ہے کہ دھرمیندرکے ساتھ کام کرنے کا خواب پورا ہورہا ہے ۔پرستاروں نے ہمت بڑھائی۔آیندہ منتخب فلموں میں کام کروں گی ۔پرستاروں کی توقعات پر پورا اتروں گی ۔مجھے اس بات کی سب سے زیادہ خوشی ہوئی ہے کہ میں دھرمیندر جی کے ساتھ کام کررہی ہوں ،یہ میرے لیے بہت بڑا اعزاز اور ایوارڈ ہے ۔اس حوالے سے میں خود کو بہت زیادہ خوش قسمت سمجھتی ہوں ،مجھے دھرمندر جی کی اپنی پروڈکشن والی فلم میں لیڈنگ لیڈی رول ملنے پر فخر ہے۔ انھوں نے کہا کہ اس کے ساتھ ویوک اوبرائے کی آنیوالی فلم ''جینتا بھائی کی لو اسٹوری ''میں بھی ہیروئن کا کردار نبھارہی ہوں ۔

ان فلموں کی کہانیوں اور ٹیم کی پرفارمنس دیکھ کر میں یہ کہہ سکتی ہوں کہ یہ دونوں فلمیں سال رواں کی بہترین فلمیں ہونگی ۔انھوں نے کہا کہ دھرمیندر جی کی فلم میں شیڈول شوٹنگ میں حصہ لے رہی ہوں اس فلم کی پہلی جھلک ریلیز کی جاچکی ہے ۔گزشتہ سال ہی اس فلم کا آغاز کیا گیا ۔اداکارہ نیہا شرما کی پرفارمنس پر انھیں اس فلم میں اہم رول دیا گیا ہے ۔اداکارہ کی یہ فلم 7جولائی 2013ء کو ریلیز کی جائے گی اس فلم میں۔ میں ویوک اوبرائے کے ساتھ جلوہ گر ہونگی۔



فلم ''جینتا بھائی کی لو اسٹوری'' مکمل ہوچکی ہے اس فلم میں اداکارہ نیہا شرما ویوک اوبرائے کی ہیروئن بنیں گی ۔اس فلم کو آیندہ سال فروری میں ریلیز کرنے کا فیصلہ کیا گیا ہے پہلے اسے رواں سال دسمبر میں ریلیز کرنے کا پلان بنایا گیا تھا ۔اداکارہ نیہا شرما کا کہنا ہے کہ اس فلم میں مرکزی کردار نبھارہی ہوں اور یہ فلم مختلف ہوگی ۔انھوں نے کہا کہ اس فلم کی باکس آفس پر کامیابی یقینی ہے۔اداکارہ نے بتایا کہ یہ رومانوی فلم ہے جس میں کرائم اور تھرلر بھی ہوگا۔فلم کا میوزک سچن جیگار نے تیار کیا ہے ۔

فلمساز کمار ایس تورانی کی اس فلم کی ہدایات وینیل مارکن نے دی ہیں ۔نیہا کا کہنا ہے کہ اس فلم میں لیڈنگ لیڈی رول کررہی ہوں ۔ فلم مکمل ہوچکی ہے اور اسے ریلیز کرنے کی تیاریاں کی جارہی ہیں ۔انھوں نے کہا کہ کم عرصے میں مرکزی کرداروں میں کاسٹ کرنے پر خوش ہوں یہی میرے لیے اعزاز ہے ۔نئی دہلی کے نیشنل فیشن انسٹی ٹیوٹ سے فیشن ڈیزائنر کا کورس مکمل کرکے شوبز کی دنیا میں قدم رکھنے والی نیہا شرما کا کہنا ہے کہ انھیں بالی وڈ میں بہت اچھی ٹیم نے بہت کچھ سکھایا ہے اور مزید سیکھنے کے لیے کوشاں ہوں ۔

انھوں نے کہا کہ ماڈلنگ بھی کرتی رہوں گی اس شعبے میں بھی کام کرکے لطف اندوز ہونے کے مواقع ملے ہیں اور اسے جاری رکھنے کا فیصلہ کیا ہے۔ واضح رہے کہ اداکارہ نے2007میں تلگو فلم میںاداکاری کا آغاز کیا۔ تلگو فلم ''چیروتھا''میں نیہا کی پرفارمنس کو سراہا گیا۔ پہلی ہندی فلم موہت سوری کی ''کروک ''تھی، پھر کنال کوہلی کی فلم ''تیری میری کہانی ''میں مختصر کردار نبھایا۔ نیہا شرما نے 2012میں ریلیز ہونے والی ایکتا کپور کی ہندی فلم ''کیا سپر کول ہیں ہم'' میں مکمل کردار نبھایا جسے شائقین نے پسند کیا۔