ناصرجمشید کی اہلیہ کا سوشل میڈیا پر شوہر کا دفاع

ناصر جمشید کرکٹ کرپشن الزام میں معطل ہیں لیکن تاحال ان سے کوئی تحقیقات نہیں ہوپائیں . فوٹو : فائل

---

اسپاٹ فکسنگ کے مرکزی کردار ناصر جمشید پر روپوش ہونے کے الزامات کے بعد ان کی اہلیہ سوشل میڈیا پر شوہر کا دفاع کرتی نظرآئیں۔

ناصر جمشید پرروپوش ہونے کے الزامات کے بعدان کی اہلیہ میدان میں آگئیں ہیں۔ ڈاکٹر سمارا نے سوشل میڈیا پر دعویٰ کیا کہ ناصر جمشید کا گھر یا فون نمبرتبدیل نہیں ہوا،انہوں نے شہریار خان اور اینٹی کرپشن ٹریبونل کے رکن توقیر ضیا کے بیان کے ردعمل میں سماجی رابطے کی ویب سائٹ ٹویٹر پر طنز کرتے ہوئے کہا کہ ناصر جمشید جیسے چہرے والے شخص کو ہر روز اپنے گھر میں دیکھتی ہوں، مجھے حیرت ہے کہ اگر وہ ناصر نہیں تو کون ہے۔

اس خبر کو بھی پڑھیں :توقیر ضیاء نے ناصر جمشید کو مرکزی کردار قرار دیدیا

So the person I see at home every day who looks like my husband ... I wonder who that is 🤔 https://t.co/uijetQGKfv

— Dr Samara Afzal (@SamaraAfzal) April 8, 2017

واضح رہے کہ ناصر جمشید کرکٹ کرپشن الزام میں معطل ہیں لیکن تاحال ان سے کوئی تحقیقات نہیں ہوپائیں، پی سی بی چیئرمین نے کہا تھاکہ انگلینڈ میں مقیم ناصر سے رابطہ نہیں ہو پا رہا، وہ اپنا فون نمبر اور گھر تبدیل کرچکے ہیں جب کہ توقیر ضیا کا کہنا تھا کہ ناصر جمشید اہم کردار ہے لیکن وہ پکڑا نہیں جارہا۔