ورلڈ بنک کی رپورٹ کے مطابق توانائی کے بحران اور اندرونی خلفشار سے دوچار پاکستان کی معیشت مزید دو سال سست روی کا شکار رہے گی۔
واشنگٹن سے جاری ورلڈ بینک کی رپورٹ میں کہا گیا ہے کہ رواں سال پاکستان میں معاشی ترقی کی شرح 3.8 فیصد تک رہنے کا امکان ہے جو مقررہ ہدف سے 0.5 فیصد تک کم ہے جبکہ گزشتہ سال ملکی جی ڈی پی کی شرح 3.7 فیصد تک رہی۔
رپورٹ میں توانائی بحران کو ملک کی معاشی ترقی کی راہ میں توانائی کے بحران کو سب سے بڑی رکاوٹ قرار دیا گیا ہے۔ رپورٹ میں یہ بھی کہا گیا ہے کہ پاکستان میں نوجوانوں کے لئے 7سے 8 فیصد تک نئی ملازمتوں کے مواقع پیدا کرنے کی ضرورت ہے۔