عالیہ بھٹ دنیا کے کامیاب ترین نوجوانوں کی فہرست میں شامل

برطانوی جریدے فوربزکی جانب سے ایشیا کے ان 300 لوگوں کی فہرست جاری کی گئی ہے: فوٹو: فائل

---

QUETTA: بالی ووڈ اداکارہ عالیہ بھٹ کا اپنے کرئیرکی پہلی فلم "اسٹوڈینٹ آف دی ائیر" کے بعد کامیابی کا سفر تیزی سے جاری ہے جب کہ اب اداکارہ کی تعریف مداحوں کے علاوہ بڑے اداکار سمیت ہدایتکار بھی کرتے ہیں اور اب انہوں ایک اور بڑا اعزازاپنے نام کیا ہے۔

برطانوی جریدے فوربزکی جانب سے ایشیا کے ان 300 لوگوں کی فہرست جاری کی گئی ہے جنہوں نے اپنے اپنے شعبے میں خوب کامیابی سمیٹی. فہرست میں بالی ووڈ کی چنچل اداکارہ عالیہ بھٹ کوبھی شامل کیا گیا ہے جو ان کی ترقی کی راہ میں ایک اور بڑی کامیابی ہے۔

اس خبرکو بھی پڑھیں: عالیہ بھٹ جلد شادی کرنے کی خواہشمند

فوربزکی جانب سے بالی ووڈ اداکارہ عالیہ بھٹ کو جاری کی گئی فہرست میں 20 ویں نمبر پر رکھا گیا ہے۔ میگزین کے مطابق عالیہ بھٹ نے ایسی 20 فلموں میں کام کیا ہے جنہوں نے اچھی کمائی کی جب کہ ان 20 فلموں میں سے 6 فلموں نے ریلیز کے بعد کچھ ہی دنوں میں کھڑکی توڑ بزنس بھی کیا۔

اس خبرکوبھی پڑھیں: عالیہ نے امیتابھ اور عامر خان کے ساتھ فلم کی پیش کش ٹھکرادی

اس کے علاوہ میگزین نے اداکارہ کے مداحوں کی بڑی تعداد کو بھی واضح کیا ہے جو ان کی اداکاری کے دیوانے ہیں جب کہ اداکارہ کو اس فہرست میں محض 18 سال کی عمر میں کرئیرکے شاندار آغازسمیت ان کے 2016 کے فلم فئیرایوارڈ میں بہترین اداکارہ کا ایوارڈ کے باعث بھی شامل کیا گیا ہے۔