خواتین سے متعلق ریمارکس پر آصفہ بھٹو کا خورشید شاہ سے معافی کا مطالبہ

امید ہے کہ خورشید شاہ خواتین سے متعلق اپنے بیان پر معافی مانگیں گے، آصفہ بھٹو. فوٹو: فائل

---

ISLAMABAD: قومی اسمبلی کے اجلاس کے دوران خواتین سے متعلق ریمارکس پر آصفہ بھٹو زرداری نے اپنی ہی جماعت کے اپوزیشن لیڈر خورشید شاہ سے معافی کا مطالبہ کیا ہے۔

قومی اسمبلی کے اجلاس میں خواتین اراکین کی جانب سے شور شرابے پر اسپیکرایازصادق نے خواتین کو مخاطب کرتے ہوئے کہا کہ آپ یا تو شور نہ کریں اور اگر باتیں ہی کرنی ہیں تو باہر چلی جائیں جس پر خورشید شاہ نے کہا کہ اسپیکر صاحب خواتین کو بولنے سے منع نہ کیا کریں ورنہ یہ بیمار ہو جائیں گی، خواتین کو بولنے سے منع کرنا ہمارے لیے عذاب بن جائے گا۔ خورشید شاہ کے بیان پر پورے ایوان میں قہقہے لگ گئے۔

Far too many times this has happend. Insensitive remarks against women in politics have reoccured in Parliament 1/2

— Aseefa B Zardari (@AseefaBZ) April 13, 2017

خورشید شاہ کے بیان پر آصفہ بھٹو نے سوشل میڈیا پر اپنے ٹویٹ میں کہا کہ بہت بار سیاست میں خواتین سے متعلق ایسے تضحیک آمیز بیانات دیئے گئے جو پارلیمنٹ بھی پہنچ چکے ہیں۔ ایسے بیانات کسی بھی طور پر برداشت نہیں کئے جا سکتے اور امید ہے کہ خورشید شاہ اپنے بیان پر معافی مانگیں گے۔

Such remarks should not be tolerated. Hope Khurshid Shah respectfully apologises 2/2

— Aseefa B Zardari (@AseefaBZ) April 13, 2017

آصفہ بھٹو زرداری نے مزید کہا کہ پارلیمنٹ ہمارے معاشرے کی عکاس ہے اور اگر پارلیمنٹ میں خواتین سے متعلق ایسے تضحیک آمیز ریمارکس دیئے جائیں گے تو اس کا نشانہ ہم بھی ہوں گے۔

If Parliament is a model of our society and if our parliament continues to make derogatory remarks against women. It reflects on us.

— Aseefa B Zardari (@AseefaBZ) April 13, 2017

آصفہ بھٹو کے بیان پر درعمل دیتے ہوئے خورشید شاہ نے کہا کہ میں نے پارلیمنٹ میں خواتین سے متعلق بات از راہ مذاق کہی تھی اور آصفہ کو میری بات کا پتہ بھی نہیں ہو گا، یہ سب میڈیا کا کمال ہے۔