ملک میں جنگل کا قانون نہیں چل سکتا عمران خان

مردان یونیورسٹی میں پیش آنے والے واقعہ پر آئی جی خیبر پختونخوا سے رابطے میں ہوں، عمران خان۔ فوٹو: فائل

---

ISLAMABAD: گزشتہ روز مردان یونی ورسٹی میں پیش آنے والے واقعہ پر عمران خان کا کہنا ہے کہ ملک میں جنگل کا قانون نہیں چل سکتا۔

عمران خان نے سوشل میڈیا پر اپنے ٹویٹ میں کہا ہے کہ مردان واقعے پر آئی جی خیبر پختونخوا کے ساتھ رابطے میں ہوں، جنگل کا قانون نہیں چل سکتا، واقعہ میں ملوث افراد کے خلاف سخت کاروائی ہو گی۔

Am in touch with KP IG since last night on condemnable lynching of student in Mardan. Firm action necessary. Law of the jungle can't prevail

— Imran Khan (@ImranKhanPTI) April 14, 2017

اس خبر کو بھی پڑھیں: مردان میں عبدالولی خان یونیورسٹی میں طلبا کے تشدد سے طالبعلم جاں بحق

اس کے علاوہ عمران خان نے امریکا کی جانب سے افغان صوبے ننگر ہار میں جی بی یو 43 بم گرانے کے کی بھی شدید الفاظ میں مذمت کرتے ہوئے کہا کہ امریکی بم نے ایک میل کے علاقے میں تمام چیزوں کو تہس نہس کر دیا ہے۔

Strongly condemn the US dropping a massive conventional bomb on Afghanistan that has vaporised everything within a mile radius.

— Imran Khan (@ImranKhanPTI) April 14, 2017

واضح رہے کہ گزشتہ روز مردان یونی ورسٹی میں طلبا کے درمیان تصادم کے نتیجے میں ایک طالب علم جاں بحق ہو گیا تھا۔