منظرامام کو شہید کرکے ایم کیوایم کو لانگ مارچ سے الگ ہونے کی سزا دی گئیرحمان ملک

وزیرداخلہ رحمان ملک نے کہا ہے کہ کل رکن سندھ اسمبلی منظرامام کو شہید کرکے ایم کیوایم کو لانگ مارچ سے الگ ہونے کی سزا دی گئی۔


اسلام آباد میں میڈیا کے نمائندوں سے بات کرتے ہوئے وزیرداخلہ رحمان ملک نے کہا کہ کالعدم تحریک طالبان کے ایک گروپ نے ایم کیوایم کے رکن سندھ اسمبلی کو شہید کیا، انہوں نے کہا کہ الطاف حسین اورایم کیوایم کے لئے کل ایک مشکل وقت تھا لیکن انہوں نے اس اندوہناک سانحے پرجس صبرکا مظاہرہ کیا وہ قابل تحسین ہے، انہوں نے کہا کہ لانگ مارچ میں سب سے بڑی قربانی ایم کیوایم نے دی اورشاید کل منظرامام کو شہید کرکے ایم کیوایم کو اس لانگ مارچ سے الگ ہونے کی سزا دی گئی۔

رحمان ملک نے کہا کہ قوم جمہوریت کے خلاف ہرسازش کے خلاف کھڑی ہے،لانگ مارچ کے دوران اسلام آباد کے شہریوں کو تحفظ دینے کا وعدہ پورا کر دیا، انہوں نے کہا کہ حکومت سے تعاون کرنے پروہ تحریک منہاج القرآن کے سربراہ ڈاکٹر طاہرالقادری کے شکرگزارہیں۔