میکسویل لیگ اسپنرز کو نہ کھیل پانے کے سوال پر غصے میں آگئے

ان کی قیادت میں پنجاب کو اتوار کی شب دہلی ڈیر ڈیولز کے ہاتھوں شکست کا سامنا کرنا پڑا تھا۔ فوٹو: فائل

---

کنگز الیون پنجاب کے کپتان میکسویل لیگ اسپنرزکو نہ کھیل پانے کے سوال پر غصے میں آگئے۔

میڈیا کانفرنس میں جب ایک رپورٹر نے ان سے لیگ اسپنرز کے خلاف اپروچ سے متعلق سوال کیا تو وہ برہم ہوگئے، انھوں نے کہا کہ یہ ایک فضول سوال ہے، کیا آپ نہیں جانتے کہ میں گزشتہ 3میچز میں لیگ اسپنرز کو لگاتار چھکے جڑچکا ہوں، اس کیساتھ ہی انھوں نے پریس کانفرنس ختم کردی۔

واضح رہے کہ ان کی قیادت میں پنجاب کو اتوار کی شب دہلی ڈیر ڈیولز کے ہاتھوں شکست کا سامنا کرنا پڑا تھا، اس میں وہ امیت مشرا کی گیند پر بغیر کھاتہ کھولے آؤٹ ہوگئے تھے۔