شمال کوریا ایٹمی تجربات سے باز نہ آیا تو فوجی طاقت استعمال کریں گے امریکی نائب صدر

امریکی نائب صدر مائیک پنس نے شمالی کوریا کو دھمکی دیتے ہوئے کہاہے کہ شام اور افغانستان میں حالیہ امریکی بمباری پیانگ یانگ کیلیے ایک پیغام ہے.

مائیک پنس نے شمالی کوریا کو سخت انتباہ جاری کیا اورکہاکہ اگر کم جونگ ان کی حکومت جوہری خدشات کے عزائم سے باز نہیں آتی تو صدر ٹرمپ فوجی طاقت استعمال کریںگے، واشنگٹن جنوبی کوریا کی حفاظت کیلیے خط۔ے میں ''تھاڈ میزائل ڈیفنس سسٹم'' جلد لگا دے گا۔ امریکی نائب صدر نے جنوبی کوریا اور شمالی کوریا کے درمیان سرحد کا دورہ بھی کیا۔

دوسری جانب شمالی کوریا کے نائب وزیرخارجہ ہان سونگ ریول کا کہنا تھا کہ ہم ہفتہ وار، ماہانہ اور سالانہ بنیادوں پر اپنے تجربے جاری رکھیں گے، امریکا کے ساتھ بڑھتی ہوئی کشیدگی اور بین الاقوامی مذمت کے باوجود شمالی کوریا اپنے میزائل تجربے جاری رکھے گا، اگر امریکا اس قدر غیرذمے داری کا ثبوت دیتا ہے کہ وہ فوجی کارروائی کرے تو اس کا نتیجہ مکمل جنگ ہوگا۔ خبر ایجنسی کے مطابق روس نے امریکاکو دھمکی دی ہے کہ وہ تنہا شمالی کوریا پر حملہ کرنے سے باز رہے۔