اداکار کی پرفارمنس کے پیچھے بہت سے فنکار ہوتے ہیں رنبیر

اس وقت جو میں میڈیا کے سامنے ہوں انھی کی بدولت ہوں، رنبیر کپور فوٹو : فائل

---

بالی وڈ اداکار رنبیر کپور نے کہا کہ اداکار کی کامیابی کے پیچھے بہت سارے لوگوں کا کردار ہوتا ہے۔

انھوں نے کہا کہ ان لوگوں کے تعاون کے بغیر اداکار کچھ بھی نہیں،ان میں ہدایتکار ،رائٹر ،کیمرہ مین ،میک اپ آرٹسٹ ،شاعر ،کوریو گرافر ،لائٹ بیک گراونڈ میوزک کا کمال ہوتا ہے۔ اس وقت جو میں میڈیا کے سامنے ہوں انھی کی بدولت ہوں، میری اپنی پرفارمنس ان کے بغیر کچھ بھی نہیں ان سب لوازمات کے ساتھ اداکار کی پرفارمنس مکمل ہوتی ہے۔



انھوں نے کہا کہ کچھ براہ راست اور کچھ بالواسطہ افراد بھی اداکار کو پروفیشنل بنانے میں معاون ہوتے ہیں۔ ان میں پہلے تو عام لوگوں کا بہت بڑا کردار ہوتا ہے جو اداکار کی کسی نہ کسی طرح رہنمائی کرتے ہیں۔ معاشرے کے ہی ان کرداروں کا جائزہ اور مطالعہ کرکے ہی ہم اپنا رول اچھے انداز سے کرپاتے ہیں۔