تبدیلی کنٹینر کے ذریعے نہیں ووٹ کی طاقت سے آتی ہےشہباز شریف

وزیراعلیٰ پنجاب شہباز شریف نے کہا ہے کہ تبدیلی کنٹینر کے ذریعے نہیں بلکہ ووٹ کی طاقت سے آتی ہے۔


شہبازشریف نے اپنے ایک بیان میں کہا ہے کہ کنٹینر والے انقلابی زر بابا چالیس چوروں کے اتحادی بن گئے، ایک دوسرے پر الزام تراشیاں کرنے والے شیر و شکر ہو گئے اور ڈی چوک میں ڈیل کر لی۔

وزیراعلیٰ پنجاب کا کہنا تھا کہ 5 روز کا ناٹک 5 گھنٹے میں بغیر مطالبات منوائے منطقی انجام کو پہنچا، ریاست بچانے کا نعرہ لگانے والے بڑی مشکل سے اپنی عزت بچا پائے۔ انہوں نے کہا کہ پنجاب حکومت نے صوبے میں عوامی خدمت کے نئے ریکارڈ قائم کئے ہیں۔