کراچی کے مختلف علاقوں میں پولیس اور حساس ادارے کی کارروائیاں

کارروائیوں میں لیاری گینگ وار کے كارندے اور ایك زخمی ملزم سمیت 14 ملزمان كو گرفتار کیا گیا، فوٹو؛ فائل

---

WASHINGTON: پولیس اور حساس ادارے نے كارروائیوں كے دوران لیاری گینگ وار کے كارندے اور ایك زخمی ملزم سمیت 14 ملزمان كو گرفتار كرلیا۔

نمائندہ ایکسپریس کے مطابق موچكو پولیس نے مواچھ گوٹھ قبرستان كے قریب سے مقابلے كے بعد لیاری گینگ وار كے ایك اہم ملزم عارف بلوچ كی گرفتاری ظاہر كرتے ہوئے اس كے قبضے سے اسلحہ برآمد كرنے كا دعویٰ كیا ہے۔ ذرائع نے بتایا كہ ملزم عارف بلوچ كو چند روز قبل حساس ادارے كی ایك ٹیم نے پولیس پارٹی كے ہمراہ كارروائی كرتے ہوئے حراست میں لیا تھا، ملزم لیاری گینگ وار كے مركزی كردار عذیر بلوچ كے كمانڈر بہادرعرف پی ایم ٹی گروپ كا كارندہ ہے، ملزم نے مواچھ گوٹھ كے 5 باكسر بھائیوں كے قتل میں نامزد ہے۔

بلال كالونی پولیس نے نارتھ كراچی سیكٹر 5/ Dسے ایك ملزم كامران كو گرفتار كركے اس كے قبضے سے ایك ٹی ٹی پستول اور نیو كراچی كے علاقے سے چھینی گئی موٹر سائیكل برآمد كرلی۔ پولیس كے مطابق ملزم كا ایك ساتھی اسلم موقع سے لوٹی ہوئی رقم 19 ہزار500 روپے لے كر فرار ہوگیا۔ اتحاد ٹاؤن پولیس نے سندھ عارضی رہائشی ایكٹ كی خلاف ورزی كرنے كے الزام میں مالك مكان اور كرائے داركو گرفتار كر لیا۔

موچكو پولیس نے كارروائی كرتے ہوئے ایك ملزم شہزاد بلوچ عرف شیزے كو گرفتار كركے اس كے قبضے سے ایك ٹی ٹی پستول برآمد كرلی، دوسری كارروائی سندھ عارضی رہائشی ایكٹ كی خلاف ورزی كرنے كے الزام میں مالك مكان اور كرائے دار گرفتار كرلیا جب کہ چاكیواڑہ پولیس نے انسداد دہشت گردی كی عدالت سے مفرور ملزم ماجد كو گرفتار كرلیا۔ پولیس كے مطابق ملزم 4 پولیس مقابلوں سمیت دیگر وارداتوں میں ملوث ہے۔

مدینہ كالونی پولیس نے دوران گشت ملزم محمد انور اور امجد اﷲ كو گرفتار كركے ملزمان كے قبضے سے 160 گرام چرس، چھینے گئے 2 موبائل فون اور نقدی برآمد كرلی۔ كھارادر پولیس نے 2 ملزمان اسد كریم اور پرویز كو گرفتار كركے ملزمان كے قبضے سے مسروقہ موٹر سائیكل اور2 كلو گرام سے زائد چرس برآمد كرلی۔ ڈاكس پولیس نے ملزم نور عالم عرف منا كو گرفتار كركے ملزم كے قبضے سے ایك كلو گرام سے زائد چرس، ایك ٹی ٹی پستول بمعہ 3 راؤنڈ برآمد كر لیے۔ كلا كوٹ كے علاقے لیاری مرزا آدم خان روڈ بكرا پیڑی كے قریب 2 ملزمان بوٹ بیسن تھانے كے اہلكار سے لوٹ مار كر رہے تھے كہ اہلكار نے موقع ملتے ہی اپنے لائسنس یافتہ پستول سے فائرنگ كر دی جس كے نتیجے میں ایك ملزم 25 سالہ عرفان ولد نعمت خان زخمی ہو گیا جسے كلا كوٹ پولیس نے موقع پر پہنچ كر گرفتار كركے اس كے قبضے سے ایك پستول برآمد كر لی۔