جاپان سے درآمدی گاڑیاں ایٹمی تابکاری سے متاثرہ ہیںپاپام

پاپام کے چیئرمین سیدنبیل ہاشمی نے کہاہے کہ جاپان سے درآمدشدہ پرانی گاڑیوں کی اکثریت ایٹمی تابکاری سے متاثرہ ہے کیونکہ جاپان میں سونامی کی وجہ سے ایٹمی پلانٹ شدیدمتاثر ہوئے تھے اور سونامی کے اثر سے لاکھوں گاڑیاںایٹمی پلانٹوںکے اردگرد کے نچلے علاقے میںبہتے ہوئے آ کر اکھٹی ہوگئی تھیں،


اس حوالے سے نہ توپاکستانی اورنہ ہی جاپانی حکومت نے ان خطرناک حالات پرغورکیاہے اورنہ اس سے بچنے کیلیے کوئی قدم اٹھایا، حکومت کوچاہیے کہ جاپان سے کہے کہ جتنی بھی پرانی گاڑیاںپاکستان بھیجی جا رہی ہیں انھیںسرٹیفکیٹ فراہم کرے کہ یہ گاڑیاںتابکاری کے اثرات سے محفوظ ہیں اور دھواں چھوڑنے کے حوالے سے عالمی معیار پر پورا اترتی ہیں۔ انھوںنے کہاکہ مقامی صنعت کواس بات کا پابند کیا جاتا ہے کہ ماحول دوست گاڑیاںبنائے

لیکن ملک میںآنے والی پرانی گاڑیوں کی اس حوالے سے کوئی چیکنگ نہیں کی جاتی کیونکہ سونامی سے آنے والی گاڑیوںکواسکریپ میںسے اٹھاکردوبارہ مرمت کرکے یہاںبھیجا جا رہا ہے یہ تمام گاڑیاں کسی اوورسیز کی ملکیت نہیںہوتیں اور درآمد کنندگان کومفت میںفراہم کی جاتی ہیں کیونکہ جاپانی حکومت اس کباڑسے چھٹکاراحاصل کرناچاہتی ہے۔