عمران خان حوالہ کیس اور کاغذ کی فصیل

کاغذ کی یہ مہک یہ نشہ روٹھنے کو ہے
یہ آخری صدی ہے کتابوں سے عشق کی

آدمی خوش نہیں یہ المیہ ہے
آدمی غمگین بھی نہیں یہ عذاب ہے

''قانون مکڑی کا جالہ ہے جس میں کیڑے مکوڑے پھنستے ہیں اور بڑے جانور اِسے پھاڑ کر نکل جاتے ہیں۔"

'آخر ایسا کیوں ہوا؟ ایسا کیوں ہوا ہم نے من حیث القوم اپنی تمناوں کا تمام سرمایہ سیاست دانوں کے حوالے کردیا۔ تاریخ گواہ ہے کہ سیاست دانوں کا طبقہ تاریخ میں ہمیشہ ایک بے حس طبقہ رہا ہے۔ شاید وقت آگیا ہے کہ اِنہیں سر کے بل سڑے ہوئے جوہڑوں میں دھکیل دیا جائے۔"

اِس شہر میں چلتی ہے ہوا اور طرح کی
جرم اور طرح کے ہیں سزا اور طرح کی

ایک گاوں کا شخص دوسرے گاوں میں چوری کرتا ہوا پکڑا گیا۔ لوگوں نے بہت مارا۔ سر کے بال اور بھنویں مونڈھ دیں۔ منہ کالا کیا، جوتوں کا ہار ڈالا اور گدھے پر پھرایا۔ جب واپس اپنے گاوں آیا تو کسی نے پوچھا سُنا ہے بڑی بے عزتی ہوئی تمہاری؟ انہوں نے تمہیں بہت مارا ہے؟ کہنے لگا دیکھیں جی چار تھپڑ لگنا بھی کوئی مار ہوتی ہے مجھے تو محسوس بھی نہیں ہوئے۔ لیکن سُنا ہے کہ انہوں نے تمہارے بال بھی مونڈھ دئیے؟ ارے میاں عقل کو ہاتھ ماریں مفت میں انہوں نے سر مونڈھ دیا، یہ کام کرنے کے نائی پچاس روپے لے لیتا، یہ کام مفت میں ہوگیا اور آپ اِسے سزا کہہ رہے ہیں۔ مگر سُنا ہے کہ انہوں نے تمہارا منہ بھی کالا کیا تھا؟ ارے نہیں بھئی دو کالک کی لکیریں دائیں طرف لگائی تھیں اور دو بائیں طرف اب اِسے کون منہ کالا کرنا کہتا ہے؟ مگر ہمیں تو کسی نے بتایا کہ تمہیں جوتوں کا ہار بھی ڈالا تھا۔ سب بکواس۔ دو میرے جوتے تھے اور دو اُن کے۔ چار جوتوں کا بھی کوئی ہار ہوتا ہے بھلا؟ بلکہ میرا تو فائدہ ہوگیا کہ اُن کے بھی دو جوتے میں ساتھ لے کر آگیا ہوں۔ تو بھیا پھر وہ گدھے کا کیا ہوا؟ ہا ہا ہا گدھا کہاں کا گدھا جناب۔ اتنا مریل سا جانور تھا کہ جب مجھے اُس کے اوپر بٹھایا تو میرے دونوں پیر زمین کو لگ رہے تھے۔ اب آپ ہی بتائیں اِس میں کیا بے عزتی ہے۔

لفظ کس شان سے تخلیق ہوا تھا لیکن
اِس کا مفہوم بدلتے رہے نقطے کیا کیا

نہ ہوئی ہم سے رقم حیرتِ خطِ رخِ یار
صفحہ آئینہ جولاں کہ طوطی نہ ہوا

ہم جو ٹوٹے تو اِس طرح ٹوٹے
جس ہاتھوں سے گر کے پتھر پہ
کوئی شفاف آئینہ ٹوٹے

جیسے پلکوں سے ٹوٹتا آنسو
جیسے سینے میں اک گماں ٹوٹے

جیسے اُمید کی نازک ڈالی
جیسے آنکھوں میں خواب کی ڈوری
وقتِ طویل میں الجھ جائے
جیسے پیروں تلے سے زمیں نکلے
جیسے سر پہ آسماں ٹوٹے

جیسے ایک شاخ پہ بھروسہ کیا
اس پہ جتنے تھے آشیاں، ٹوٹے
جیسے وحشت سے ہوش آجائے
جیسے تا دیر میں دھیاں ٹوٹے

کس نے دیکھا تھا ٹوٹنا اپنا
ہم جو ٹوٹے تو رائیگاں ٹوٹے