بھارت کا قومی ترانہ بھولنے پر سونم کپور شدید تنقید کی زد میں

اداکارہ کے قومی ترانہ بھولنے پر مداحوں نے مختلف قسم کے خیالات اورغصے کا اظہار کیا

ویب ڈیسک April 23, 2017

اداکارہ کے کالم کے بعد ان کے مداحوں نے ہی انہیں خوب تنقید کا نشانہ بنایا: فوٹو: فائل

KARACHI: بالی ووڈ اداکارہ سونم کپور کو اپنا قومی ترانہ بھولنے پر بھارتی عوام کی جانب سے سوشل میڈیا پر شدید تنقید کا نشانہ بنایا جا رہا ہے۔

بھارتی میڈیا رپورٹس کے مطابق بالی ووڈ اداکارہ سونم کپورنے اپنے ایک کالم میں بھارتی قومی ترانے کا ذکرکرتے ہوئے کہا تھا کہ ہم جو بچپن اپنا قومی ترانہ بہت پڑھتے تھے ہمیں ایک بار پھراسے ذہن میں لانا چاہیئے جس کی ایک لائن 'ہندو، مسلم، سکھ ،عیسائی ' بھی تھی۔

اداکارہ کے اس کالم کے بعد ان کے مداحوں نے ہی انہیں خوب تنقید کا نشانہ بنایا کیونکہ 'ہندو، مسلم، سکھ ،عیسائی جیسا کوئی بھی جملہ بھارت کے قومی ترانے میں شامل نہیں ہے۔ اداکارہ کے قومی ترانہ بھولنے پر ان کے مداحوں نے سماجی رابطے کی ویب سائٹ ٹوئٹر پرمختلف قسم کے خیالات اورغصے کا اظہار کیا۔

اس خبرکو بھی پڑھیں: سونم کپور کا والدین کا گھر چھوڑنے کا فیصلہ

ایک مداح نے بھارت کا پورا قومی ترانہ لکھا اورکہا کہ ٹارچ کی مدد سے بھی 'ہندو، مسلم، سکھ ،عیسائی والی لائن دیکھنا چاہی لیکن ایسی کوئی لائن نظر نہیں آئی۔

Here's our National Anthem & I've even used a Torch 🔦 but couldn't find Hindu, Muslim, Sikkh, Isaai !

Sonam Kapoor 😕😕 #NationalAnthem pic.twitter.com/E5mOSdEFoU
— Ravi (@Ravi_Tweets_) April 21, 2017

ایک اور مداح نے سونم کو تنقید کا نشانہ بناتے ہوئے لکھا کہ پہلے ہمیں اپنی رائے کے اظہار کی آزادی تھی تاہم اب ہمیں اپنا قومی ترانہ منتخب کرنے کی بھی آزادی مل چکی ہے جب کہ اس مداح نے اداکارہ کا شکریہ بھی کیا۔

Earlier we had freedom of expression, now we have freedom of choosing our own national anthem, thanks Sonam Kapoor.
— Gaurav (@gbupadhyay) April 21, 2017

ایک مداح نے لکھا کہ مجھے نہیں معلوم تھا کہ اب تک میں غلط قومی ترانہ پڑھتا رہا ہوں۔ انہوں نے اداکارہ کوصحیح قومی ترانہ بتانے پر شکریہ بھی ادا کیا۔

Never Knew, We Were Singing The Wrong Rendition Of Our #NationalAnthem All The Time
Thanks @sonamakapoor for making Us Realise
1- NA
2- S_NA pic.twitter.com/9JWcYVKAcE
— Undying Love (@sangram_malik) April 21, 2017