ٹریفک حادثات میں نو عمر لڑکے سمیت 3افراد ہلاک 5زخمی

قصبہ کالونی میںبچے کو کچل کر ہلاک کرنے والا واٹر ٹینکر گلی میں پھنسا ہوا ہے۔ فوٹو: ایکسپریس

---

PESHAWAR: شہر کے مختلف علاقوں میں ٹریفک حادثات میں نوعمر لڑکے سمیت 3 افراد جاں بحق جبکہ 5 زخمی ہوگئے۔

تفصیلات کے مطابق قصبہ کالونی میں واٹر ٹینکر سے دب کر 12سالہ عاطف ولد حیات ہلاک ہوگیا جس کی لاش ضابطے کی کارروائی کے لیے عباسی شہید اسپتال لائی گئی ، ایس ایس پی ٹریفک زون 4 محب علی نے بتایا کہ واٹر ٹینکر گلی میں واقع گھر میں پانی ڈالنے جا رہا تھا کہ تنگ گلی ہونے کی وجہ سے ایک گھر کے باہر بنی ہوئی نالی میں اس کے پچھلے پہیے زمین میں دھنس گئے اور اس دوران ڈرائیور نے اسے نکالنے کے لیے رفتار بڑھائی تو وہ مزید دھنس کر ایک جانب جھک گیا جہاں سے عاطف گزر رہا تھا اور اس دوران وہ واٹر ٹینکر اور مکان کی دیوار کے درمیان دب کر شدید زخمی ہوگیا جسے سخت جدوجہد کے بعد باہر نکال کر اسپتال لے جایا جا رہا تھا کہ وہ دم توڑ دیا۔

واٹر ٹینکر کا ڈرائیور موقع سے فرار ہونے میں کامیاب ہوگیا ، واقعے کے خلاف مشتعل افراد نے احتجاج کرتے ہوئے ٹریفک معطل کر دیا تاہم پولیس نے موقع پر پہنچ کر صورتحال کو کنٹرول کرلیا،ماڑی پور کے علاقے بلدیہ سوات کالونی میں ٹرک اور سوزوکی پک اپ کے درمیان تصادم میں 35 سالہ فرمان اور 25 سالہ نامعلوم شخص ہلاک ہوگیا جبکہ خالد ، راشد ، سلیم اور طارق سمیت 5 افراد زخمی ہوگئے ، ہلاک و زخمیوں کو سول اسپتال لے جایا گیا ، پولیس کا کہنا ہے کہ ہلاک ہونے والے سوزوکی پک اپ میں سوار مسافر تھے جو کہ داؤد گوٹھ جارہے تھے، پولیس کا کہنا ہے کہ زخمی ہونے والوں میں ٹرک کا ڈرائیور بھی شامل ہے،جبکہ دوسرے ہلاک شخص کے قبضے سے ایسی چیز برآمد نہیں ہوئی جس سے اس کی شناخت میں مدد مل سکے،پولیس مزید تحقیق کر رہی ہے۔