شاہد آفریدی اور نجم سیٹھی کی ملاقات الوداعی میچ پر گفتگو

شاہد آفریدی اور نجم سیٹھی کے درمیان دبئی میں ملاقات ہوئی ۔ فوٹو : بشکریہ ٹویٹر

---

پی سی بی کی ایگزیکٹو کمیٹی کے سربراہ نجم سیٹھی اوراسٹارآل راؤنڈر شاہد آفریدی کے درمیان ملاقات میں الوداعی میچ پر گفتگو ہوئی۔

شاہد آفریدی اور نجم سیٹھی کے درمیان دبئی میں ملاقات ہوئی جس کے بعد نجم سیٹھی نے سماجی رابطے کی ویب سائٹ ٹویٹر پر لکھا کہ شاہد آفریدی سے ملاقات مثبت رہی اور ملاقات کے دوران ان کی فیئر ویل سے متعلق معاملات طے کیے گئے جب کہ فیئر ویل کے ساتھ ساتھ مستقبل میں آفریدی کی کرکٹ میں خدمات سے متعلق بھی معاملات طے کیے گئے۔

@SAfridiOfficial and I had a wonderful chat. Ideas for a fitting farewell & future contribution to cricket were also discussed. pic.twitter.com/YsPIZ1zod8

— Najam Sethi (@najamsethi) April 23, 2017

شاہد آفریدی نے نجم سیٹھی کی تجاویز کا خیر مقدم کرتے ہوئے کہا کہ نجم سیٹھی سے ملاقات خوش گوار ماحول میں ہوئی ہے تاہم فیئر ویل کے حوالے سے جلد بتاﺅں گا۔

It was nice meeting you @najamsethi . Appreciate your suggestions. Will revert soon inshallah. https://t.co/NURJfSJnDG

— Shahid Afridi (@SAfridiOfficial) April 23, 2017