آئی سی سی سے بگ تھری کا خاتمہ بھارت کی شکست ہے نجم سیٹھی

دو طرفہ سیریز نہ کھیلنے پر بھارتی کرکٹ بورڈ سے مالی نقصان کا ازالہ طلب کیا جائے گا، چیرمین پی سی بی ایگزیکٹو کمیٹی، فوٹو؛ فائل

---

پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی کا کہنا ہے کہ آئی سی سی سے بگ تھری کا خاتمہ بھارت کی شکست ہے جب کہ دو طرفہ سیریز نہ کھیلنے پر بھارتی کرکٹ بورڈ سے مالی نقصان کا ازالہ طلب کیا جائے گا۔

سماجی رابطے کی ویب سائٹ ٹوئٹر پر آئی سی سی سے بگ تھری کے خاتمے کے حوالے سے ٹوئٹ کرتے ہوئے پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی نے کہا کہ بھارت ہار گیا کیوں کہ آئی سی سی نے بگ تھری ختم کرنے کا فیصلہ کرلیا ہے۔

اس خبر کو بھی پڑھیں؛ آئی سی سی میں بگ تھری کا باب بند ہوگیا

India loses. ICC rolls back Big3 model.

— Najam Sethi (@najamsethi) April 26, 2017

ایک اور ٹوئٹ میں نجم سیٹھی نے کہا کہ پاکستان کرکٹ بورڈ نے دو طرفہ کرکٹ سیریز نہ کھیلنے پر بھارت کے خلاف قانونی چارہ جوئی کا فیصلہ کیا ہے اور اس حوالے سے پی سی بی آئندہ ہفتے بی سی سی آئی کو قانونی نوٹس بھیجے گا جس میں بھارتی کرکٹ بورڈ سے مالی نقصان کا ازالہ طلب کیا جائے گا۔

PCB has told BCCI it is suing for compensation against BCCI's refusal to play bilateral series as per Agreement signed in 2014.

— Najam Sethi (@najamsethi) April 26, 2017

نجم سیٹھی کا کہنا تھا کہ آئی سی سی ٹاسک فورس کے سربراہ جائلز کلارک نے آئی سی سی کے ماہرین کی سیکیورٹی رپورٹس کا جائزہ لینے کے بعد آئی سی سی ورلڈ الیون کو پاکستان بھیجنے کا فیصلہ کیا ہے جب کہ ورلڈ الیون کی ٹیم 3 ٹوئنٹی ٹوئنٹی میچزکھیلنے کے لیے ستمبرمیں پاکستان آئے گی اور ورلڈ الیون کی ٹیم میں ٹاپ کھلاڑی شامل ہوں گے۔

Giles Clarke has reviewed security report of ICC experts & agreed 3 T20 matches in Pak end Sep of ICC Team of world's TOP current players.

— Najam Sethi (@najamsethi) April 26, 2017

واضح رہے آئی سی سی اجلاس میں بگ تھری سے متعلق ووٹنگ ہوئی جس میں بگ تھری کی مخالفت کی گئی اور اس طرح انٹرنیشنل کرکٹ کونسل میں بگ تھری کا باب بند ہوگیا۔