سلمان خان کی انٹری اورکپل شرما کی چھٹی

سلمان خان نے آخری باربگ باس 10 کی میزبانی کے فرائض سر انجام دیئے تھے اور انہیں کافی سراہا گیا تھا۔ فوٹو: فائل

---

بالی ووڈ کے دبنگ خان کوٹی وی اسکرین بہت راس آئی ہے یہ ہی وجہ ہے کہ اب وہ ایک اور شو کی میزبانی کرنے والے ہیں۔

سلمان خان نے 2008 میں بھارتی ٹی وی چینل کے ایک شو'دس کا دم' کی میزبانی کی تھی، اسی شوسے سلمان خان کو ٹیلی ویژن کی دنیا میں ایک میزبان کے طورپرپہچان ملی تھی، اس شوکے بعد دبنگ خان نے بگ باس کی میزبانی شروع کی تھی۔ انہوں نے آخری باربگ باس 10 کی میزبانی کے فرائض سرانجام دیئے تھے اورانہیں کافی سراہا گیا تھا۔ سلمان خان کے پرستاروں کے لئے اچھی خبریہ ہے کہ دبنگ خان بگ اب اپنے مشہورشو دس کا دم کی دوبارہ میزبانی کریں گے۔

اس خبرکوبھی پڑھیں: سلمان خان نے 3 باڈی گارڈزکوکیوں فارغ کیا۔۔؟

بھارتی چینل سونی انٹرٹینمنٹ ٹیلی ویژن نے عندیہ دیا ہے کہ سلمان جلد مقبول کھیل شوکے اگلے سیزن کی میزبانی کرنے کے لئے واپس آ سکتے ہیں، دوسری جانب سلمان نے پہلے ہی اپنا ذہن بنا لیا ہے اوروہ اس شوکے تیسرے سیزن کی میزبانی کرسکتے ہیں۔ یہ شو جولائی میں نشرکیا جائے گا تاہم اب بھی ٹی وی چینل اوردبنگ خان کے درمیان کئی معاملات طے ہونا باقی ہیں اوراس سلسلے میں ان کی حتمی ملاقات جلد ہی طے ہوگی۔

ایسا کہا جا رہا ہے کہ اگرسلمان خان کا یہ شو آتا ہے توکپل شرما کا شوآف ایئرہوجائے گا کیونکہ کپل شرما کی ٹیم ان کا ساتھ چھوڑچکی ہے اوراس کے بعد اس پروگرام کی 'ٹی آرپی' بھی بہت گرگئی ہے۔ دوسری جانب اسی ٹی وی چینل نے سنیل گروورسے نئے ٹیو ی شو کے لیے بات چیت بھی شروع کردی ہے جس کا مطلب یہ ہے کہ کپل شرما کو ابھی سے اپنے سامنے آنے والی مشکلات کا سامنا کرنا پڑے گا۔