رنبیر کپور نے 9 کروڑ کی پیش کش ٹھکرادی

اداکار کو رنگ گورا کرنے والی کریم کے پروجیکٹ میں کام کرنے پر 9 کروڑ کی پیش کش کی گئی تھی، فوٹو؛ فائل

---

بالی ووڈ کے چاکلیٹی ہیرو رنبیر کپور نے رنگ گورا کرنے والی کریم کے اشتہار میں کام کرنے کی 9 کروڑ کی پیش کش ٹھکرادی۔

بالی ووڈ کے کئی اداکار و اداکارائیں رنگ گورا کرنے والی کریموں کے برانڈ ایمبسڈرز ہیں جنہیں بعض دفعہ سخت تنقید کا نشانہ بنایا جاتا ہے جب کہ گزشتہ دنوں اداکار ابھے دیول کی جانب سے بھی فیئرنس کریم کی تشہیر کرنے والے اداکاروں کو آڑے ہاتھوں لیا گیا تھا جس کے بعد دیگر اداکار بھی اب رنگ گورا کرنے والی کریموں کی تشہیر میں عدم دلچسپی کا اظہار کررہے ہیں۔

بھارتی میڈیا رپورٹس کے مطابق رنبیرکپور کو رنگ گورا کرنے والی کریم کے مشہور برانڈ نے اپنے پروجیکٹ میں کام کرنے کی پیش کش کی جس کے عوض انہیں 9 کروڑ کی آفر کی گئی لیکن رنبیر نے کسی بھی فیئرنس کریم کے ساتھ کام کرنے سے انکار کردیا۔ رنبیر کے انکار کے باوجود مشہور برانڈ نے انہیں ایک اشتہار میں ہی کام کرنے کی پیش کش کی جس پر انہوں نے فلمی مصروفیات کے باعث کام کرنے سے منع کردیا۔

واضح رہے کہ اداکار رنبیر کپور ایک ساتھ 3 فلموں کی شوٹنگ میں مصروف ہیں۔