اسرائیلی فورسز کی نگرانی میں یہودیوں کا مسجد اقصیٰ پر دھاوا

مسجد کے اندر گھومتے اور سیٹیاں بجاتے رہے،غرب اردن سے مزید 6 شہری گرفتار۔

این این آئی April 28, 2017

اسرائیلی فوجیوں کے فرارکی شرح میں اضافہ، سالانہ 7ہزارملازمت چھوڑنے لگے۔ فوٹو: فائل

FAISALABAD: اسرائیلی فوج اور پولیس کی فول پروف سیکیورٹی میں83 یہودی آباد کاروں نے مسجداقصیٰ پردھاوا بول کرمذہبی رسومات ادا کرنے کی آڑ میں قبلہ اول کی بے حرمتی کی۔

یہودی مراکشی دروازے کے راستے مسجداقصیٰ میں داخل ہوئے جبکہ شام کویہودی شرپسند قبلہ اول میں داخل ہونے کے بعد مسجد کے اندرونی اطراف میں گھومتے اورسیٹیاں بجاتے رہے تاہم فلسطینی اتھارٹی کے ماتحت نام نہاد پولیس نے گزشتہ روز غرب اردن سے مزید6 فلسطینی شہریوں کو حراست میں لے لیا۔

علاوہ ازیں اسرائیلی فوج کی طرف سے جاری اعدادو شمار میں بتایا گیا ہے کہ فوج میں مدت ملازمت سے قبل فوجیوں کے فرارکی شرح میں اضافہ ہوگیا ہے اور سالانہ تقریباً 7000 اسرائیلی فوجی افسر اور سپاہی فوجی خدمت ترک کررہے ہیں۔